Océane - Infos voyageur & eBoutique, téléchargez l'app
Océane - Infos voyageur & eBoutique, téléchargez l'app
Goude un dreuzadenn verr 30 munutenn pad eus gar-vor Kiberen war vourzh hon herrvag beajourien Kerdoniz, e tilestrit e Saozon, porzh kaer-meurbet eus Breizh, e diez livet priziet gant ar vakañserien.
E miz Mae, miz Gouere ha miz Eost eo Saozon al lec’h loc’hañ dreist evit un devezhiad achapadenn pe ur chomadenn war an enezenn.
Evit tremen un devezh en amzer vras, lestrit da 9e25 e Kiberen ha kit da borzh bihan Saozon dindan 30 munutenn. Kemerit amzer da evañ ur banne kafe war ar c’hae ha bamit dirak kaerder an tamm baradozig-mañ a-raok mont da ziskoachañ bravigoù aod norzh ar Gerveur.
Kinnig a ra Ofis an Touristerezh deoc’h ul lec’h-degemer a zo e implijidi en ho kourc’hemenn evit ho heñchañ hag ho titouriñ pa zegouezhoc’h war ar Gerveur. Lec’h Titouriñ an Douristed, damdost d’ar c’habitendi, a zegemer ac’hanoc’h bemdez etre 8e30 ha 11e30 hag etre 4e30 ha 8e30 g.k. ha kement-se eus miz Ebrel da viz Gwengolo !
Gant hon distroioù diwezhat e c’helloc’h kemer ebat da vat eus ho tevezh a-raok distreiñ war ar c’hevandir. Sellit ouzh an eurioù.
Ur wech dilestret e Saozon, kit gant ar wenodenn a gaso deoc’h, war-dro 1e30 o vale, war-du ul lec’h dibar all : Beg ar Polen. Gellout a rit dibab ober an droiad-vale 11.5 km en he fezh, e 3 eurvezh bennak, ar pezh a roio an dro deoc’h da arvestiñ ouzh an aod norzh ha da gaout ur pik-nik mat, pe c’hoazh d’ober ar pennad-hent distro gant ar bus adalek beg ar Polen evit kemer ebat eus Saozon dres da goulz merenn, hag eus an oufoù e-kichen d’an enderv. Dre ma rankit distreiñ da 7e35 g.k. ho po amzer da vamiñ dirak kaerder porzh bihan Saozon e fin an devezh just a-raok lestrañ.
Arnodit 2 dreuzadenn disheñvel : loc’hañ eus Kiberen war-du Saozon e 30 munutenn war vourzh Kerdoniz da 9e25, ha neuze distreiñ eus Porzh-Lae war-du Kiberen e fin an enderv pe d’an abardaez, war vourzh unan eus hor bigi chalbotat : Bangor pe Vindilis.
Deservijet eo Saozon pep hantereur gant Belle-île Bus. Ur wech degouezhet e Saozon, kit betek an arsav-bus en ur hedañ porzh kaer Saozon. Dre veur a linenn e c’hellit tizhout lec’h loc’hañ ho troiad-vale : Beg ar Polen. Ur wech degouezhet, arvestit un nebeud munutennoù ouzh ar gwel-kaer a-raok stagañ gant 17.5km bale (war-dro 5e30) evit en em gavout e Porzh-Lae. Evit ho merenn, da zibab : merennañ e porzh Saozon pe pik-nikañ e ti Mari Glazioù ! Ar re n’int ket kalonek a-walc’h a c’hello mont eus Saozon betek Porzh-Lae gant ar bus.
Porzh pennañ an enezenn eo Porzh-Lae ha lec’h degouezh an holl veajourien en izelamzer. Evit gwellaat perzhded degemer an douristed en uhelamzer e c’heller gweladenniñ ar Gerveur eus Saozon ivez dre ar vorlinenn hañv a loc’h eus Kiberen en dibennoù-sizhun hir a viz Mae, e miz Gouere hag e miz Eost.
Rakwelet ho peus chemel war an enezenn en hañv-mañ ? Ma veajit hep karr-tan eo gwelloc’h deoc’h dont gant an herrvag a gaso ac’hanoc’h betek ar Gerveur e 30 munutenn ha chemel e Saozon pe en ur gumun damdost deservijet gant ar bus.
Ma fell deoc’h gouzout un tamm muioc’h diouzh ar Gerveur en un devezh e pedomp ac’hanoc’h da vont e darempred gant Ofis an Douristed, en ho kourc’hemenn evit ho skoazell da aozañ ho troiad e Saozon. Kinniget e vo deoc’h an holl droiadoù a zo d’ober, an doareoù dilec’hiañ koublet gant Belle-Île Bus koulz hag an doareoù feurmiñ karbedoù pe mirc’hi-houarn (kentoc’h tredan) a zo hegerz e Saozon.
Gouezit e vez kinniget feurmiñ karbedoù e Saozon ivez evit ma vo aesoc’h d’ar veajourien dilec’hiañ war an enezenn. Gellout a rit tapout ur c’harr-tan pe ur marc’h-houarn neuze, kerkent ha degouezhet war an enezenn.
Ma veajit gant ho karbed deoc’h pe gant ho marc’h-houarn n’eus nemet al liamm Kiberen-Porzh-Lae a c’helloc’h dibab.
*kement ha diskouez
Prenit ho pilhedoù er gar-vor pe en un Ti Touristed keveler.
La Compagnie Océane utilise des cookies sur ce site. Avec votre consentement, nous les utiliserons pour mesurer et analyser l'utilisation du site (cookies analytiques), pour l'adapter à vos intérêts (cookies de personnalisation) et pour vous présenter des publicités et des informations pertinentes (cookies de ciblage).
