Mont betek an Oriant ha parkiñ eno

Ma’c'h it da dreizhiñ karr hag all, kit àr ar parklec’h lestriñ a zo dirak ar gar. Ar parklec’h-se n’eo graet nemet evit ar c’hirri a zeu evit mont e bourzh kentizh goude (45 munut a-raok loc’hañ). Ma vezit en a-raok evit lestriñ gant ho karr n’oc’h ket evit parkiñ eno da c’hortoz. Gellout a rit memes tra avat mont d’hor gwichedoù : diouzh ma vez e c’heller kinnig deoc’h loc’hiñ abretoc’h kuit a frejoù ouzhpenn.

Mont d’an Oriant gant an tren

 - Gar SNCF an Oriant zo liammet ouzh al linennoù broadel pennañ (3e45 e TTB ac’hann da Paris-Montparnasse). Lakait derc’hel ho pilhedoù e www.voyages-sncf.com.

- P’en em gavit en Oriant tremenit àr an dreuzell a zo e penn ar c’haeoù evit mont aesoc’h betek ar gar-eskemm

- Kemer ar bus CTRL – Linenn 2 àr-zu ar gar-vor. Ur bus a vez bep 15 - 20 munut + 15 munut evit mont. Evit gouzout hiroc’h : 02 97 21 28 29 pe www.ctrl.fr/

- Taolit pled mat : d’ar Sul e vez ar bulzunoù àr al linenn 3. Mont a reont kuit ag ar gar-eskemm 30 munut a-raok ma loc’ho ur vag bennak.

- Gellout a rit ivez mont gant un taksi betek ar gar-vor : 35 artizan taksi a gaver en Oriant, 24e/24 ha Sul, gouel pemdez. Gouzout hiroc’h àr ar servij el lec’hienn www.taxilorient.com pe en niv. 02 97 21 29 29.

- Evit mont àr-droad betek ar gar-vor ec'h eus ezhomm etre 30 ha 40 munut.

 

Mont d’an Oriant gant ar c’harr-boutin

 - Teir linenn ingal ag ar rouedad TIM, treuzdougen diabarzh ar Mor-Bihan dre garr-boutin, a gas an dud betek an Oriant :

  • Linenn 15 : Gourin - Ar Faoued – An Oriant
  • Linenn 16 : An Intel - An Oriant
  • Linenn 17 : Pondi - Baod - An Oriant

Evit gwelet eurioù al linennoù ingal : rouedad TIM

- Gant al linenn kirri-boutin rannvroel Sant-Brieg - An Oriant/Gwened a dremen dre Loudieg ha Pondi e c’hellit ivez mont betek an Oriant. Evit gouzout hiroc’h, it el lec’hienn www.st-brieuc-pontivy-vannes-lorient.fr/

- Gellout a rit ivez, gant ar c’hirri-boutin broadel ISILINES, mont betek an Oriant a veur a gêr e Frañs (Pariz, Naoned, Brest, ar Mañs, Angers, Bourdel, Agen, Tolosa…). Evit gouzout hiroc’h àr an eurioù hag ar prizioù, it e-barzh www.isilines.fr/

 

Mont d’an Oriant gant ar c’harr-nij

Aerborzh an Oriant Kreisteiz Breizh Pgz +33 (0)2 97 87 21 50 - www.lorient.aeroport.fr 30 munut zo ezhomm da vont gant ur c’harr-tan ag aerborzh an Oriant betek ar gar-vor. Ne c’heller ket mont àr-eeun gant ar bus. Gellout a rit mont gant un taksi (pgz 02 97 21 29 29) pe feurmiñ ur c’harr en unan ag an ajañsoù a gaver en aerborzh.

 

Ma fell deoc’h mont didrubuilh e bourzh ar vag en ho aliomp d’en em gavout en Oriant 1 eur a-raok an eur ma loc’ho, betek-gouzout ne vefe ket aes mont pe parkiñ pa vez stank an dud eno e mareoù zo ag ar bloaz. Kentizh hag erru er gar-vor, ma vezit en a-raok, kit da c’houlenn er gwichedoù : ma chom plas e c’heller kinnig deoc’h loc’hiñ abretoc’h kuit a frejoù ouzhpenn.

 

Tud dalc’het en o c’herzhed

Mard oc’h dalc’het en ho kerzhed, kit da sellet ouzh hor pajenn graet a-ratozh ma kaver kement a zo da c’houzout evit mont, parkiñ ha lestriñ.

Diouzh ar mare ag ar bloaz ma’c'h eer da Enez-Groe ne vez ket ken aes parkiñ atav. E-pad ar goañv, goude vakañsoù an Hollsent ha betek vakañsoù Pask, e kavot ur parklec’h 250 plas ennañ, a-gleiz p’en em gaver er gar-vor. Meret e vez ar parklec’h-se gant Ti-kêr an Oriant. Digoust eo ha ne vez ket evezhiet. War ar sizhun e c’heller lezel ur c’harr eno e-pad meur a zevezh.

E-pad an dibennoù-sizhun, ar vakañsoù skol hag ar peurrest ag ar bloaz àr-bouez ar goañv, e c’hell ar parklec’h-se bout leun buan a-walc’h. Pa zegouezh kemend-all e vo ret deoc’h lezel ho karr àr ur parklec’h da baeiñ. Meur a hini a c’heller dibab :

 

- Ar Parklec’h Enez-Groe, a zo 200 m diouzh ar gar-vor (straed Gilles Gahinet), a vez digor 7 devezh/7 etre fin miz Ebrel ha fin miz Eost. Evit gouzout hiroc’h àr ar prizioù, an deizioù hag an eurioù, pellgomz d’an niverenn 06 83 38 53 64. Gellout a reer lakaat derc’hel plasoù.

- Parklec’h Plasenn an Armoù – 491 plas – Mont e-barzh dre straed Kloz ar Porzh Emañ ar parklec’h-se àr-dro 10-15 munut àr-droad ag ar gar-vor. Digor e vez ag al Lun d’ar Sadorn ha serr e vez d’ar Sul ha d’an deizioù-gouel. Evit gouzout hiroc’h : 02 97 02 23 21 - Lenn ar pezh a sell ouzh ar prizioù hag an doare ma ya en-dro evit 2017

- Parklec’h Kreizenn Nayel – 330 plas – e danzouar ar Greizenn Nayel e kreiz-kêr (plasenn Jules Ferry), mont gant ar c’hirri dre ar straed Paul Bert. Emañ ar parklec’h-se àr-dro 15 munut àr-droad ag ar gar-vor. Digor e vez ag al Lun d’ar Sadorn. Evit gouzout hiroc’h : 02 97 21 62 31.

- Parklec’h an Oriantiz – 290 plas - zo 3 boulouard Kozhvao-Maner. An hini pellañ diouzh ar gar-vor eo (àr-dro 20 munut ac’hano àr-droad) met gant ur servij busoù ingal e c’hellit mont aes betek ar gar-vor (linenn niv. 2 ar CTRL, ur bus bep 15 munut, al linenn niv. 3 d’ar Sul). Digor e vez ar parklec’h-se ag al Lun d’ar Sadorn. Evit gouzout hiroc’h : 02 97 21 62 31.

→ « An hent berrañ da vont da Enez-Groe » : Aesoc’h deoc’h mont da Enez-Groe ! Etre miz Ebrel ha miz Here, evit mont didrubuilh betek Enez-Groe, lezit ho karr e parklec’h an Oriantiz ha kit d’ar gar-vor gant ar bus. Ur priz koublet parklec’h-bus zo, rak-se e paeit 19,50 € hepken evit parkiñ ho karr e-pad ur sizhun ha mont gant ar bus betek ar c’hae-lestriñ da vont da Enez-Groe. An tiked bus a vez roet er parklec’h a dalv evit etre 2 ha 6 den. Gellout a reer gantañ ober ar veaj mont-dont etre ar Gar Eskemm hag ar Gar-vor. Evit gouzout hiroc’h, sellit amañ (dépliant).

 

Dav eo deoc’h gouzout n’eus ket plasoù a-ratozh evit kirri-kampiñ e kumun an Oriant. Evit gouzout hiroc’h àr ar parkiñ en Oriant, kit e-barzh lec’hienn an ti-kêr. Mont betek gar-vor an Oriant ha parkiñ eno Parkiñ a-ratozh evit an TDK  

 

Un ali fur : ma fell deoc’h bout didrubuilh en ho aliomp d’en em gavout en Oriant 1 eur a-raok an eur ma loc’ho ar vag emaoc’h e-sell da dapout.

Ma fell deoc’h mont didrubuilh e bourzh ar vag en ho aliomp d’en em gavout en Oriant 1 eur a-raok an eur ma loc’ho, betek-gouzout ne vefe ket aes mont pe parkiñ pa vez stank an dud eno e mareoù zo ag ar bloaz. Kentizh hag erru er gar-vor, ma vezit en a-raok, kit da c’houlenn er gwichedoù : ma chom plas e c’heller kinnig deoc’h loc’hiñ abretoc’h kuit a frejoù ouzhpenn.

Evit mont da Enez-Groe e vez lestret e gar-vor an Oriant, er straed Gilles Gahinet. Mont a ra ar c’hirri e bourzh 45 munut a-raok m’eo sañset ar vag da loc’hiñ hag 20 munut evit an dud.

Ma fell deoc’h beajiñ didrubuilh, klaskit en em gavout en Oriant 1 eur a-raok ma loc’ho ar vag a vo kemeret ganeoc’h. Dav deoc’h gouzout ne c’hello Kompagnunezh ar Mor Bras, e mod ebet, bout tamallet ma vez dale gant ur beajour bennak o tont e bourzh abalamour ma vefe bet diaes dezhañ dont betek ar porzh pe parkiñ.

Setu amañ daveennoù GPS gar-vor an Oriant (Straed Gilles Gahinet) : 47.74143 / -3.352225

- Pa loc’her a Bariz (war-dro 500 km) : kemer ar gourhent A10/E50 hag an A11/E50 goude-se, mont betek Roazhon ha kemer an HB 24 trema Gwened / an Oriant

- Pa loc’her a Roazhon (àr-dro 150 km) : kemer an HB 24 ha goude-se an HB 165 e-kichen Henbont. P’en em gaver en Oriant, mont trema « An Oriant – Kae-lestriñ Enez-Groe ». (Dreist-holl, arabat mont er-maez trema « Lannarstêr », n'eus panell ebet evit mont d’ar porzh dre eno.)

- Pa loc’her a Naoned (àr-dro 170 km) : kemer an HB 165 betek an Oriant. Mont trema « An Oriant – Kae-lestriñ Enez-Groe ». (Dreist-holl, arabat mont er-maez trema « Lannarstêr », n'eus panell ebet evit mont d’ar porzh dre eno.)

Goude-se, heuliiñ ar panelloù-heñchiñ « Kae-lestriñ – Enez-Groe » betek ar gar-vor.

Accéder et stationner aux abords de la gare maritime de Lorient